Ikinadagit ni Senator Joel Villanueva an pagiging “punching bag” suboot sa kada igwang nangyayaring anomalya sa flood control projects sa lugar kaini sa Bulacan.
Pinahimutikan man kan Senador na may kinaaraman ini sa P600-milyon insertion sa unprogrammed funds sa 2023 national budget.
Isinagibo kan Senador an pahayag makalihis na kumpirmaron ni Senate President Pro Tempore Panfilo Lacson an pagkakaigwa nin P600 milyon na pondo para sa Bulacan flood control projects sa 2023 unprogrammed budget.
Sa pagbilang ni Lacson an igwa ining pito sagkod walong items na nagkakantidad nin P75 milyon kada saro asin may kabilogang kantidad nin P600 milyon.
Enot nang ibinuyagyag ni dating assistant district engineer kan Department of Public Works and Highways (DPWH) na si Brice Hernandez na naghagad nin 30 percent si Villanueva sa P600-M insertion.
Nagtutubod man an Senador na igwang nagraraot sa saiyang pangaran para sa 2028 elections.
Nangapudan an opisyal sa publiko na dae pagtubudan an mga nagpapakalat nin mga pekeng bareta mapadapit sa nasabing isyu.
