Naresibe na ni Vice President Sara Duterte an imbitasyon kan House Committee on Justice ngani na mag-atendir sa pagdangog sa Marso 25 dapit sa duwang impeachment complaints kontra saiya.
Segun sa abogado kaini na si Atty. Michael Poa, pighahalat na sana ninda an desisyon kan bise presidente kun maatendir ini.
Sierto man kaini na tatawan giya si Vice President Sara kan saiyang mga abogado.
Sinabi man ni Committee on Justice Chairperson Gerville Luistro, na an pag-atendir ni Duterte an ngani na masimbag an mga akusasyon.
Dagdag pa kan lehislador na an dae pag-atendir kan bise presidente an lalog magdudugang sa tsansa na maipadara sa Senado an kaso para sa pagdangog.
Kasabay man kaini na inimbitaran an mga complainants sa impeachment.
