LEGAZPI CITY — Mahigot an ipigpapaotob na pagbabantay ngonian kan Philippine Institute of Volcanology and Seismology (Phivolcs) sa Bulkang Mayon makalihis na maobserbaran an variations kan ipigbubugang gas kaini o an ‘gas out’ sa mga nakalihis na semana.
Ipigheras ni Phivolcs resident volcanologist Ed Laguerta sa nagin intrevista kan Bombo Radyo Legazpi na nag-aabot sa 1000 tonelada sa kada aldaw asin igwa man na 300 tonnes per day sa nasusukol na gas emission hale sa bulkan.
Nagpapatotoo sana suboot an nasabing aktibidad na dae pa nagbabalik sa normal an kondisyon kan Mayon kun kaya dae pa pwedesir na ibaba an Alert Level 1 status digdi.
Base man sa pinakahuring geodetic survey na isinagibo sa bulkan, nanotaran na infalated o hubag pa man giraray an Mayon.
Dawa pa minimal sana, dae maibitaran na ikahandal kan ahensya an seguridad urog na kan mga mawot magtukad digdi siring man an epekto sa nabilog na lava dome sa palibot kan ngimot kkan bulkan huli sa naeeksperyensyahang mga pag-uran.
Patanid man giraray kan Phivolcs an paglikay sa mga abnormalidad.
