Nagpagirumdom an Bureau of Internal Revenue na epektibo na ngunyan na bulan an implementasyon kan 12% na value-added tax sa mga non-resident digital service providers kaibanan an mga streaming platforms.
Segun ki Commissioner Romeo Lumagui Jr. na an nasabing mga digital platforms an kinakaipuhan na mag rehistro sa online, magsunad nin value-added tax returns asin mag-remit nin bayad sa Digital systems kan ahensya.
Enkasong warang mga phsycial offices an mga providers sa Pilipinas, posible man ining gibuhon sa online.
Huli digdi, pinaglalaoman kan Bureau of Internal Revenue na makaka kulekta sinda nin nasa P10.8 bilyon na revenue pag-abot kan huring parte kan taong 2025.
