Pinaglalaoman na malagpas pa an kabilugang utang kan Pilipinas sa P21.48 trillion sa katapusan kan taong 2027, basado sa dokumento kan Budget and Expenditures and Sources of Financing.
Mas halangkaw ini kumparar sa projected debt level na P19.76 trillion para sa 2026
Mientras tanto, uminabot na saP19.065 trillion an utang kan national government sa katapusan kan Hunyo 2026.
Mas halangkaw ini nin P518.98 billion kumpara sa P18.546 trillion kan Mayo asin P17.267 trillion kan Hunyo 2025.
Huli digdi, kasabay kan mabantol na economic growth na 2.3% sa enot na kabangang parte kan 2026, nagsakat na sa 66% kan gross domestic product (GDP) an debt-to-GDP ratio kan nacion.
Ini an pinakahalangkaw na antas sa laog nin 22 na taon, puon kan uminabot ini sa 71.6% kan 2004.
Sa projected na P21.48-trillion na utang sa 2027, nasa P14.3 trillion an maghahali sa sa domestic borrowing mantang P7.2 trillion man an external debt.
Basado an projection sa assumption na an ribayan kan piso an nasa P62 kada US dollar pag-abot kan katapusan kan 2027.
