Susog sa datos na iniluwas kan Bureau of the Treasury, naglangkaw sa bagong record high an utang kan gobyerno nin Pilipinas kan katapusan kan taong 2024 huli sa pagluya kan ekonomiya.
An natatadang utang kan gobyerno nasyunal uminabot sa P16.5 trillion, naglangkaw pa nin 9.8% o P1.44 trillion, gikan sa P14.62 trillion kan katapusan kan taong 2023.
Pigtaram kan Treasury na an bulanang paglangkaw sa stock kan utang kan gobyerno nagsasairarom sa net issuance asin availment kan domestic asin external debt.
Siring man an revaluation effect kan peso depreciation laban sa US dollar.
An domestic debt kan nasyon uminabot sa P10.93 trillion, naglangkaw nin 9.1% gikan sa P912.49 billion kan nakaaging taon kan mag-isyu an gobyerno nin mga debt securities para padakulaon an kaban kaini.
Huli digdi, an debt-to-GDP ratio uminabot sa 60.7% na bahagyang halangkaw sa ipigtalaang target na 60.6 kan gobyerno sa irarom kan Medium-Term Fiscal Framework.
Mantang, an external debt, nagtetenir nin 11.4% hanggang P5.12 trillion gikan sa P522.55 billion increase kawsa kan debt availments asin pagluya kan piso kontra dolyar.
Mientrastanto, an guaranteed obligations kan gobyerno naghibaba nin P346.66 billion.
