Nag-abot na sa P15.02 trillion an kabilugang utang kan Pilipinas.
Segun sa Bureau of Treasury, epekto ini kan padagos na pag-utang kan gobyerno asin an pagbagsak kan kantidad kan piso kontra dolyar.
Base sa datos kan ahensya, kan nakalihis sanang Abril nakapag-utang an gobyerno nin nasa P31 billion.
Pinalala pa iyan kan pagbagsak kan kantidad kan piso na nag-abot sa P57.76 an karibay kan sarong dolyar.
Sa kabilugan nasa P400.95 bilyon na an nadadagdag sa utang kan Pilipinas ngunyan sanang taong 2024.
