Pinirmahan ni U.S. President Donald Trump an sarong proklamasyon na nagbabawal sa mga namamanwaan kan 12 nacion na makalaog sa Estados Unidos, kun saen sinabi kaini na kaipuhan an nasabing lakdang nganing maprotehiran laban sa mga “mga dayuhang terorista” asin iba pang huma sa seguridad.
An direktiba an parte kan sarong immigration crackdown na inilansar ni Trump ngunyan na taon sa pagpuon kan saiyang ikaduwang termino, kun saen kaiba an deportasyon sa El Salvador kan ginatos na Venezuelan na pigtutubudnag miyembro nin gang, pati na man an pagsayuma sa enrollments kan nagkapirang dayuhang estudyante .
An mga naciong naapektaran kan pinakabagong travel ban an Afghanistan, Myanmar, Chad, Congo Republic, Equatorial Guinea, Eritrea, Haiti, Iran, Libya, Somalia, Sudan asin Yemen.
Mantang an paglaog man kan mga tawo gikan sa pitong iba pang mga nacion siring kan Burundi, Cuba, Laos, Sierra Leone, Togo, Turkmenistan asin Venezuela an bahagyang pighihigotan.
Nakatalaang epektibo an proklamasyon sa Hunyo 9, 2025. Asin an mga visa na itinao bago an nasabing petsa an dae na babawion pa, segun sa nasambitang orden.
![Pinterest](https://pinterest.com/pin/create/button/?url=https://legazpi.bomboradyo.com/us-president-trump-ipinagbawal-an-mga-namamanwaan-gikan-sa-12-nacion-na-makalaog-sa-estados-unidos/&media=https://img.bomboradyo.com/legazpi/2024/07/Donald-Trump-1.jpg&description=U.S. President Donald Trump has signed a proclamation banning citizens of 12 countries from entering the United States, saying the move is necessary to protect against "foreign terrorists" and other security threats.){kind=link}