Nakabantay man sa ngunyan an United Nations asin an Estados Unidos sa mga pangyayari sa South Korea.
Segun ki State Department deputy spokesperson Vedant Patel na kinakaipuhan na maresolbar nin matrangkilo an anuman na kariribukan sa nasabing nacion.
Kinumpirmar man kaini na dae nag-abiso si South Korean President Yoon Suk Yeol sa Estados Unidos antes magdeklarar nin martial law.
Segun man ki US Department of Defense press secretary Maj. Gen. Patrick Ryder na kaibanan sa mga pigbabantayan ninda an mga lakdang na posibleng gibuhon kan North Korea na posibleng aprobitsaran an sitwasyon.
Nilinaw kaini na bako apektado kan na-lift na martial law an mga suldados na nakadesignar ngunyan sa South Korea.
