LEGAZPI CITY-Naglansar liwat an Estados Unidos nin panibagong mga serye kan pag-atake laban sa kadakol na target sa Iran sa magdamlag, susog sa US military, makalihis manumpa si US President Donald Trump nin mas kadakol pang pag-atake kun dai masisierto an sarong kasunduaan.
Segun sa Central Command kan mga militar sa sarong post, na an mga pag-atake, an mismong simbag sa padagos an agresyon kan Iran makalihis an serye kan mga pag-atake kan Tehran kan Huwebes.
Sinabi man kan Islamic Revolutionary Guard Corps kan Iran na kan Huwebes, naglansar sinda nin mga kontra-atake sa 18 target kan US military sa mga airbase sa Kuwait asin Bahrain, kun sain sinabi kan Bahrain Ministry na pinatanog an mga sirens.
Nagpatanid man an nangengenot na joint military command kan Iran na magsasagibo sinda nin mga pag-atake sa anuman na barko na magtatangkang mag-agi sa Strait of Hormuz, na sinarado nin haros pirang bulan.
Mientras tanto, nairehistro man kan Iranian media na duwang barko an saindang inatake sa Strait of Hormuz makalihis na mag-porbar suboot na mag-agi sa nasabing ruta.
