Liwat na binuksan kan US military an mayor na mga pantalan sa Venezuela ngani na maparikas an paghahatod nin asistensya sa mga namamanwaan kasunod kan pagtama kan duwang makusog na linog.
An nasabing kalamidad an nagwalat na nin labi sa 1,700 na mga binawian nin buhay mantang rinibong iba pa an nawawara.
Limang aldaw makalihis an magkasunod na linog, padiit-diit nang nagsasadit an tsansa sa La Guaira na maka-recover pa nin mga survivors.
Igwa na man na makeshift morgue na ipigtindog sa port warehouse sa La Guaira kun sain ginatos na hawak an nakatambak.
Nakumpleto na man kan US Marines an pagpapakarahay kan saro sa duwang mayor napantalan sa Venezuela ngani na matawan dalan an delivery kan mga supplies asin mga ekipahe.
Nagtatabang man an American airmen ngani na maibalik an bulos kan biyahe sa Simon Bolivar International Airport, na saro man sa mga nadanyaran kan pagyugo.
