LEGAZPI CITY-Madali nang mapaso an ceasefire agreement sa pagultanan kan Estados Unidos asin Iran sa Miyekules nin banggi, Abril 22 (oras sa Washington) segun kay US President Donald Trump.
Halangkaw man an posibilidad na dai na palawigon ni Trump an ceasefire kun warang magkasarong kasunduan sa pagultanan ninda kan Iran.
Piglalaoman kan US President na magpapadagos an labanan enkaso warang makamit na kasunduan sa ikaduwang yugto kan saindang pag-oolay.
Ngonian na aldaw, piglalaoman na mapasiring sa Pakistan si US Vice President JD Vance kaiba an top US officials bago an posibleng ikaduwang yugto kan nabanggit na pag-oolay.
Nagpahayag man nin kumpiyansa si Trump na maatendir an kampo kan Iran sa negosasyon, maski pa naenot nang pig-habuan kaini na mag-atendir asin nanindugan na warang mangyayaring negosasyon sa presenteng panahon.
Nanindugan man si Trump na tutugon ang Iran isinasagawang negosasyon.
Dagdag pa niya na dapat na makipagnegosasyon sinda huli ta nagpatanid ini na magkakaigwa suboot nin problema na dai pa ninda na-eeksperyensyahan.
Marurumduman na mawot kan Estados Unidos na dai dapat magsagibo nin anumang nuclear weapon an Iran.
