LEGAZPI CITY-Piglalaom ni United States First Lady Melania Trump kay Russian President Vladimir Putin an pangapudan na katoninongan para sa mga jovenes makalihis an pagtao sa personal ni U.S. President Donald Trump sa sarong surat sa Alaska Summit kan Agosto 15.
Basado sa mga impormasyon, binasa tulos ni Putin an nasabing surat sa hampang kan saindang mga delegasyon.
Bakp direktang binanggit sa surat an gera sa Ukraine, alagad malinaw an pangapudan mapadapit sa katoninongan para sa pagserbi sa mga namamanwaan.
Sinabi ni Trump na igwang dakulang impluwensiya an saiyang agom sa mga opinyon niya para kay Putin, asin kan nakaaging bulan, pigistorya niya kun papano pigkuwestiyon ni Melania an saindang mga opinyon makalihis an mga pag-atake kung sain tinamaan an mga ciudad sa Ukraine.
Enot nang nanindugan si Trump sa tigil-putukan, alagad nagbago an saiyang posisyon matapos an summit, asin sinabi niya na an pinakamabisang paagi ngani mawakasan an gera, iyo an direktang katoninongan.
Mientrastanto, haloy nang pigsasangat ni Putin ag peace talks, na pigtutulan kan Ukraine asin kan mga kaalyado kaini sa Europa bilang sarong istratehiya sana suboot kan nasambitang nacion ngani makabawi sa labanan.
