LEGAZPI CITY – Namaaram na an civil rights pioneer asin Baptist minister na si Reverend Jesse Jackson sa edad na 84.
Kinumpirmar ini kan saiyang mga kaparyentes alagad dae man nagtao nin anuman na kawsa kan pagkagadan.
Kan Nobyembre kan nakaaging taon, dinara siya sa ospital huli sa progressive supranuclear palsy (PSP) na nakaapektar sa saiyang paglakaw.
Kan 2017, nadiagnose siya man na may Parkinson’s disease.
Namundag sa Greenville, South Carolina kun saen siya nagin nagsikat bilang sarong aktibista.
Nagin harani siya ki Dr. Martin Luther King asin nagmartsa pa kaiba niya sa mga protesta.
Nagdalagan siya sa pagka-presidente kan 1984 asin 1988 alagad nadaog siya.
Kan 1984, piglansar niya an National Rainbow Coalition, na kritiko ni US President Ronald Reagan.
Kan 1999, si Jackson nakatabang na maseguro an pagpalaya kan tolong US servicemen na dinakop sa Yugoslavia, kun kaya tinawan siya nin Presidential Medal of Freedom gikan ki Presidente Bill Clinton.
