Plano kan Estados Unidos asin mga nasyun sa Europa na magdevelop na nin bakuna na panlaban sa H5N1 bird flu.
Kasunod ini kan lalong nagririkas na paglakop kan helang na enot na nagtatama sana sa mga bayong alagad nakakaapektar naman ngunyan sa mga baka.
Segun sa United States Food and Drug Administration, enot na naireport an kaso kan H5N1 bird flu kan taong 2020.
Nagkawsa ini nin pagkagadan sa mga bayong hasta sa maireport an pagtama na kan virus sa mga baka sa siyam na estado kan nasyun.
Duwang trabahante man kan farm an tinamaan kan helang.
Base sa isinagibong test kan ahensya, nagluwas na haros 20% kan suplay nin gatas sa nasyun an kontaminado na kan virus.
Nahahandal an mga eksperto na kung dae mapupugolan an paglakop kan helang asin pagpapasa-pasa sa mga hayop asin tawo, posibleng magkaigwa ini nin mutations asin maging kawsa nin panibagong pandemya.
Sa ngunyan nakikipagtabangan na an Estados Unidos sa mga pharmaceutical companies ngani na makapagdevelop nin bakuna kontra sa bird flu.
