Pinag-oolayan kan United States asin China ang pagbilog nin bagong mekanismo para tulos na maabisuhan an kada nacion mapadapit sa mga insidente sa artificial intelligence o AI na pwedesir makaapektar sa pambansang seguridad.
Segun ki US Treasury Secretary Scott Bessent, tinukar kaini sa saiyang pakikipagpulong kay Chinese Vice Premier He Lifeng sa New York.
Nangyari an pag-oolay pirang aldaw antes an nakatakdang summit ninda US President Donald Trump asin Chinese President Xi Jinping sa Washington.
Segun ki Bessent, importanteng magkaigwa nin mas dakulang transparency sa pagitan kan duwang pinakadarakulang AI powers sa kinaban, urog na sa insidenteng may posibleng epekto sa national security.
Afuera sa AI, tinukar man kan duwang lado an kalakalan asin posibleng pagbabawas kan tariffs, mantang nakatalaang mag-expire sa Nobyembre 10 an presenteng truce sa trade war kan duwang nacion.
