LEGAZPI CITY-Papangenotan kan Uplift International an libreng operasyon para sa mga pasyenteng inaki na igwang cleft lip o cleft palate sa Legazpi City.
Segun kay Punong Barangay Harold Bembenuto kan Barangay Padang Legazpi City, sa intrevista kan Bombo Radyo Legazpi na an Uplift International sarong community nin mga doktor sa abroad, kun sain haloy ng taon nagsasagibo nin siring na mission.
Dagdag pa niya na naka-focus an organisasyon sa free surgical operation para sa cleft lip o cleft palate na pasyente.
Bilang focal person ng nasabing organisasyon kan nakalihis na taon, sinabi ni Bembenuto na mawot nindang ipadagos ini huli ta kadakol an nangangaipohan nin tabang.
Sa presente, nasa 15 mga doktor na an uminabot sa ciudad kabale an anesthesiologist kun sain kinakipuhan nin minimum of 5 na doktor para sa sarong operasyon.
Wara man nin babayadan an mga magigin benipisyaryo afuera sa saindang transportasyon.
Obheto suboot kan lakdang na matawanan nin presensya asin bagong paglaom an mga joven na mabuhay.
Sa ngonian, piglalaoman kan opisyal na madugangan pa an nasa 80 pasyente ngonian na Pebrero.
Pig-eenganyar man kan opisyal an mga igwang siring kaining kondisyon na magduman sa general hospital sa Legazpi City ngani magpa-screening asin ma-schedule an saindang operasyon.
