Nagresulta sa matinding trahedya an pagbagsak kan sarong C‑130 Hercules military transport plane kan Colombian Air Force sa Puerto Leguízamo, Putumayo.
Segun sa gobernador kan rehiyon na dae mababa sa 66 katawo an nagadan mantang labi sa 120na suldados asin tauhan an lunad kan eroplano.
Buminagsak ini nagkapirang minuto makalihis an pag take off asin nagkawsa nin dakulang kasulo na nagpalala pa sa sitwasyon.
Tulos man na nagrespunde an mga residente, militar, asin emergency teams ngani na isalbar an mga pasahero asin apulahon an kalayo, mantang dose-dosena na mga nairido an idinalagan sa ospital.
Nagpapadagos man an imbestigasyon kan mga otoridad ngani na maarama an kawsa kan aksidente.
Napahapot man an kadaklan sa kaligtasan asin maintenance kan lumang fleet kan militar kan Colombia.
