Naglansar an United Nations nin donation drive na target na makatipon nin $275 million o labi pa bilang tabang sa mga biktima kan magnitude 7.7 na linog sa Myanmar.
An matitipon na pondo an magagamit ngani na tabangan an mga namamanwaan na labing naapektaran kan mahewasan na pagyugo.
Napag-araman na dakol sa mga ini an nakaka eksperyensya nin manlain lain na helang, kagutuman asin kawaran nin harong.
Enot ng sinabi kan United Nations na kinakaipuhan makatipon nin hasta sa $1.1 billion na pondo, basado sa inisyal na humanitarian aid plan para sa pigkakarkulong 5.5 million katawo na naapektaran alagad nasa 5% sana kaini an napondohan.
Tatawan atensyon kan inisyatiba an nasa 1.1 million ‘vulnerable people’ sa Myanmar na kadaklan an mga aki asin mga babayi na suboot nahahampang sa gender-based violence, food insecurity asin kakulangan nin access para sa reproductive health.
