Kinondena kan United Nations an panibagong airstrike kan Israel sa sarong eskwelahan sa Gaza na nagresulta sa pagkagadan kan labi 40 mga Palestinians.
Segun kay Adele Khodr (kow-der), regional director kan United Nations Children’s Fund for the Middle East and North Africa, makamundo na kadakol na mga kaakian an nadadamay sa pag-atake kan Israel.
Nangapudan man ini na pundohon na an kariribokan asin pangatamanan an buhay kan mga sibilyan lalo na an mga kaakian.
Enot kaini, sunod sunod na tinamaan nin mga bomba asin missiles hali sa fighter jets kan Israel an Nuseirat school kung sain nagtitinir an rinibong mga Palestinians na nagdudulag sa gera.
Tulos na binawian nin buhay an mga biktima kaiba na an 23 na mga kaakian asin kababaihan mantang labi sa 75 iba pa an nalugadan.
Mientras tanto, nanindugan an Israel Defense Forces na wara nin sala sa saindang operasyon na target sana suboot an mga militanteng Hamas na nagtatago sa nasabing eskwelahan.
