Ginawadan kan gobyerno kan United Arab Emirates (UAE) nin royal clemency an labi 115 na Pilipino na convicted sa manlain-laing offense sa saindang nacion bilang parte kan obserbasyon kan Ramadan asin an nagdadangadang na Eid Al-Fitr.
Pinasalamatan kan Philippine Embassy an gobyerno kan UAE sa pamumuno kan Presidente kaini na si Sheikh Mohamed bin Zayed Al Nahyan, Vice President asin Prime Minister Sheikh Mohammed bin Rashid Al Maktoum sa ginibong paggawad nin clemeny sa mga Pilipino.
Sa sarong pahayag, ipina-abot kan embahada na an aksyon na ini an nagpapahiling sana kan ‘true spirit of mercy’ urog na ngonian na obserbasyon kan Ramadan na siyang konsepto suboot nin pagkakasararo.
Pigkokonsidera man na sarong dalan an naging paggawad nin clemency sa mga kababayang pinoy para sa mas hirarom asin matibay na koneksyon asin relasyon sa pagultangan kan Pilipinas asin kan UAE.
Mientrastanto, pigtawan importansya kan PH Embassy an humanitaraian principles kan UAE para sa pagtatao nin padagos na suporta sa mga Pilipino na presenteng nasa saindang nacion.
 has granted royal clemency to more than 115 Filipinos convicted of various offenses in their country as part of the observance of Ramadan and the upcoming Eid Al-Fitr.){kind=link}