Nagkusog pa an Typhoon ”Francisco” ngunyan na aldaw nin Lunes mantang nagtetenir sa laog kan Philippine Area of Responsibility (PAR), segun sa Philippine Atmospheric, Geophysical and Astronomical Services Administration (PAGASA).
Basado sa 4:00 A.M weather forecast kan state weather bureau, huring namataan an sentro kan bagyo sa rayong 725 kilometro sirangan kan Tuguegarao City, Cagayan.
Igwa ining kusog nin paros na maabot sa 140 kilometro kada oras asin pagbugso na hasta sa 170 kilometro kada oras.
Segun sa weather bureau, nakataas na an tropical cyclone wind signal no. 1 sa Batanes, northeastern portion kan Cagayan kaibanan an Gonzaga, Santa Ana asin eastern portion kan Babuyan Islands (Babuyan Is., Didicas Is., Camiguin Is.,)
Siring man, sinabi kan weather bueau na hibaba an posibilidad na direktang makaapektar an bagyo sa kadagaan kan nacion.
Magdadara man nin makukusog na uran an habagat o southwest monsoon sa Visayas, Mindanao, asin Palawan.
