LEGAZPI CITY-Pigkakarkulong nasa two-third kan propwestong budget kan Department of Public Works and Highways (DPWH) an pigkokonsiderang “pork” o discretionary funds susog sa datos kan Philippine Center for Investigative Journalism (PCIJ).
Sa tahaw ini kan mga pangapudan para reporma, an suboot nakakuwa pa man liwat kan dakulang alokasyon an mga distrito kan mga lider kan Kamara, kaiba an kay Speaker Faustino “Bojie” Dy III na may P23 bilyon na insertions.
Binawasan man kan Senado an DPWH budget hale sa P625 bilyon pasiring sa P570 bilyon sa paagi kan paghale kan mga “questionable” projects.
Sa pagdemitir sa puwesto, nakakuwa man liwat nin P6 bilyon an distrito ni dating Speaker Martin Romualdez, mantang nakaresibe man nin P6.35 bilyon an distrito ni Rep. Yevgeny Emano.
An Zamboanga del Norte, na pigkokonsiderang pinakatios na lalawigan sa nacionm nakaresibe nin P6.33 bilyon para sa tulong distrito na kaini.
Hinale na man ni DPWH Sec. Vince Dizon an mga lokal na flood-control projects, huli sa pagbabawas sa orihinal na P880 bilyon na propwestong budget.
Sa kaenot-enoting pagkakataon, binuksan sa publiko an bicameral meetings kan Kongreso para sa deliberasyon kan budget asin para man sa transparency.
Wara pa man ni tugon an kampo ni House Speaker Dy asin iba pang natukoy na mga opisyal.
