Nag-emergency landing an sarong Turkish Airlines jetliners makalihis an pagkagadan kan piloto.
Hali an nasabing eroplano sa Seattle asin pasiring sa Istanbul kan bawian nin buhay an piloto kaini.
Segun ki Turkish Airlines spokesperson Yahya Ustun na makalihis an pag-take off kan eroplano sa Seattle bigla na sanang nawaran nin malay an 59-anyos na si İlçehin Pehlivan.
Huli digdi, napiritan na mag emergency landing an Airbus 350 sa John F. Kennedy International Airport.
Dinara pa sa ospital an nasabing piloto alagad dae na uminabot pa nin buhay.
Basado sa impormasyon, taong 2007 pa nagin empleyado kan airline an nasabing piloto ain wara man na nahiling na anuman na helang sa routine health check na ginibo kan Marso.
