LEGAZPI CITY – Dakop an mga parabulang sa isinagibong anti-illegal gambling operation kan mga pulis sa sarong tupadahan sa Sitio Yubuko, Brgy. Burabod Castilla, Sorsogon.
Naarestar an mga paratupada na sinda Rolando So, Richard Mantesa na parehong taga Barangay Burabod; Angel Marmol asin si Ariel Mallete na taga Malabog Pilar, Sorsogon.
Kakahampangon kan mga ini an kasong pagbalgar sa PD 1602 o Illegal Gambling asin Illegal Cockfighting na susog sa PD 449.// Nakumpiskar kan mga pulis an tulong pambulang na manok, mga tambod asin taya sa sultada.
Liwat man na nagpatanid an mga otoridad na magpapadagos sinda sa pagdakop sa gabos na iligal na sugal base sa kasuguan gikan mismo sa Campo Crame.
