LEGAZPI CITY- Padagos an pigigibong esfuersos kan mga lokal na opisyal ngani na matabangan an mga pamilyang naapektaran nin landslide sa Barangay Buhatan, Sto. Domingo, Albay.
Marurumduman na tulong pamilya an naapektaran makalihis an pagrasay nin daga sa nasabing lugar durante kan mga pag-uran na dara ka bagyong Wilma.
Segun ki Albay First District Representative Krisel Lagman-Luistro sa intrevista kan Bombo Radyo Legazpi na napaabutan na nin housing materials an nasabing mga pamilya.
Alagad sa ngunyan, wara pang nahahanap an lokal na gobierno na lugar para sa temporary resettlement kan mga ini.
Paliwanag kan kongresista na kinakaipuhan na magpatindog nin harong kan mga biktima sa mas salbadong lugar.
Afuera sa mga materyales sa pagibo kan harong, napag-araman na nagpaabot na ma nin cash assistance an Department of Social Welfare and Development Bicol sa mga apektadong pamilya.
