LEGAZPI CITY – Tulong panibagong COVID-19 cases an nairehistro sa Bicol susog sa latest data na ipinaluwas kan Department of Health (DOH) regional office.
Ini makalihis an nagkapirang aldaw na dakol na kasong nairerehistro sa rehiyon.
Buminadol naman sa 1,645 an kabilugang kaso kun sain nasa 456 an aktibong kaso.
Hali an mga panibagong kaso sa Camarines Sur partikular na sa Tigaon, Nabua asin ciudad kan Naga.
Wara man na bagong nagpositibo na nairehistro sa iba pang provincia sa Bicol.
Sa lado kan recoveries, nasa kabilugang 1, 128 makalihis an 33 na nagrahay.
Alagad an mga nagadan, nagsakat na sa 61 huli sa nadugang na tulo na hali sa Camarines Sur.
