Tulong indibidwal an binadil asin nairido sa New York Times Square, susog sa New York Police Department.
Binisto an mga biktima na 18-anyos na babae, 19-anyos na lalaki, asin sarong 65-anyos na lalaki na nasa stable nang kondisyon sa ospital.
Tinamaan an babae sa liog, mantang an duwang lalaki ay nagsapo man nin lugad sa saindang tabay.
Dugang pa kan New York Police Department, sarong 17-anyos na lalaki an nasa kustodiya na kan mga otoridad.
Narekober man kan mga kapulisan an sarong badil sa insidente.
Segun pa sa mga otoridad na dae pa malinaw kun magkabisto an mga biktima asin an suspek.
