LEGAZPI CITY- Padagos an agrangay kan mga tricycle drivers sa Legazpi City huli sa padagos na paglangkaw kan presyo kan produktong petrolyo.
Segun ki ALEGTODA President Joseph Armogilla sa intrevista kan Bombo Radyo Legazpi na haros wara na sindang nai-uuli sa saindang pamilya huli ta napapasiring sana sa gasolina an saindang ganansya.
Paliwanag kaini na kun dati igwa sindang hasta sa P700 na ganansya, ngunyan padifisilan na an P300.
Bako suboot bastante an nasabing kantidad para sa saindang pangangaipo urog na kun igwang mga pigpapa adal na mga aki.
Kinuwestyon man ni Armogilla kun nata ta an mga public utility jeepney sana an natatawan nin fuel subsidy habang sinda an garing napapasipara na kan gobierno.
Dagdag kaini na nangapudan na man sinda sa lokal na gobierno kan ciudad nin Legazpi na mapagbigyan na makabiyahe sa nagkapirang mga ruta na ipinagbabawal sa sainda sa ngunyan ngani na maski papano an makabawi sa nawawarang ganansya huli sa padagos na paglangkaw kan presyo kan produktong petrolyo.
