Buminagsak an trust rating ni Vice President Sara Duterte at Speaker Martin Romualdez.
Segun sa pinakabagong survey kan Pulse Asia na isinagibo poon Nobyembre 26 hasta Disyembre 3, 2024, buminaba nin 12 puntos an trust rating ni VP Sara Duterte, hale 61% kan Setyembre pasiring sa 49%.
Mientrastanto, si House Speaker Martin Romualdez an nakapagtala nin pagbaba nin 10 puntos sa saiyang trust rating, hale sa 41% kan Setyembre pasiring 31% sa parehong panahon.
Kasabay kaini, an approval rating ni President Ferdinand “Bongbong” Marcos Jr. an bahagyang nagbaba hale 50% pasiring 48%, mangang an saiyang trust rating an buminaba man nin 3 puntos, hale 50% pasiring sa 47%.
An survey an isinagibo sa tahaw kan mga impeachment complaint laban kay VP Duterte manungod sa suboot pagbayolar sa Konstitusyon asin katiwalian, partikular sa paggamit kan confidential funds asin budget kan saiyang tanggapan asin kan Department of Education na saiyang pinangenotan.
Sa ibong kan mga pagbabagong ini, nagtetenir na halangkaw an approval asin trust ratings ni Senate President Francis “Chiz” Escudero, na may 53% approval asin51% trust ratings, alagad kadiit na nagbaba nin pitang puntos hale sa nakaaging survey.
