Nagbaba sa 38 percent ang net trust rating ni Presidente Ferdinand Marcos Jr. sa pinaka latest survey kan Social Weather Station na ginibo kan Nobyembre 24 sagkod Nobyembre 30, 2025.
An nasabing trust rating kan Presidente an nabawasan nin -3% gikan sa 41% na nagsabing diit an saindang tiwala Presidente sa kaparehong period kan 2024.
Mientrastanto, naghalangkaw man an net trust ni Vice President Sara Duterte na nagsakat sa 56% kontra sa 26% na warang tiwala saiya.
Bumagsak an trust rating ni Marcos sa katahawan kan anomalya sa flood control projects.
Susog sa SWS, hale sa sa Balance Luzon o luwas kan Metro Manila nakakua si Marcos nin halangkaw na trust rating na +18 mantang si VP Sara an nakakua ni halangkaw na trust rating sa Mindanao na nasa +74.
Nakakua man nin pinakamababang rate si Duterte sa NCR na nasa +2 sana.
An Stratbase Consultancy an nagkomisyon sa survey gamit ang face-to-face interviews sa 1,200 adults may edad 18-anyos pataas sa bilog na nacion.
