Tinawan ni US President Donald Trump nin duwang semana na ultimatum an Russia kun talagang seryoso ini sa pag-abot kan katrangkiluhan sa Ukraine.
Dae man kaini binanggit an lakdang na gigibuhon kan Estados Unidos enkasong dae seryosohon ni Russian President Vladimir Putin.
Pigduon ni Trump na bako na ini maugma sa sitwasyon huli ta garing pigkakarawan sana sinda ni Putin.
Marurumduman na ikinadisganar ni Trump na maski nagkapirang beses ng nagkaolay an mga representante kan Ukraine asin Russia, alagad dae pa naaabot an peacedeal.
Ikanusaran man ni Ukraine President Volodymyr Zelensky si Putin na bako ini seryoso na makipag negosasyon huli sa padagos na pigigibong pag-atake.
