Nagpatanid si U.S President Donald Trump na puputulon an mga kontrata kan gobyerno sa mga kumpanya ni Elon Musk, mantang inapod man ni Musk na dapat nang ma-impeach an presidente.
Nagpoon an alitan makalihis batikuson ni Trump an tech billionaire mapadapit sa pagbagsak kan stock market kan electric vehicle ni Musk sa 14.3%, na nagresulta sa pagkawara nin $150 billion sa market value kan nacion.
Enot nang konondena ni Musk na makakaapektar an propwestong ley sa buwis asin paggasta ni Trump na suboot magpapalala sa utang kan nacion.
Alagad buwelta ni Trump, kaya nadadagit suboot si Musk iyo an huli ta tatanggalon an tax credits para sa mga electric vehicle.
Sa ibong na banda nagpatanid na man si Musk na i-decommission an dragon spacecraft kan SpaceX alagad kalaunan an binawi niya ini makalihis mapagsabihan kan mga kabisto sa industriya na maghinay-hinay muna.
Dugang pa digdi an posibilidad na magtatag si Musk nin bagong partido sa pulitika makalihis magpahayag ini nin pagkakaiba ninda kan lider kan Amerika.
