Kinumpirmar ni U.S. President Donald Trump na wara siyang aram suboot regular na paggamit nin droga kan tech billionaire na si Elon Musk kan 2024 presidential elections.
Tugon ini ni Trump sa report kan New York Times na nagsasabing si Musk an guminamit suboot nin ketamine, ecstasy, asin psychedelic mushrooms mantang nakikipagtabangan kan nagdadalagang Presidente si Trump.
Susog sa mga report, bako malinaw kun naggagamit si Musk nin droga mantang may potensyal na papel sa propwestong Department of Government Efficiency (DOGE) ni Trump.
Dae na man nagtao si Trump nin kadugangang komento mapadapit sa nasabing bareta.
Enot digdi sa sarong Oval Office event, pigporbaran man kan sarong reporter na haputon si Musk mapadapit sa nasabing isyu, alagad naglikay na ini asin tinuyaw na sana an New York Times sa suboot biased kaining coverage kan 2016 Russian election interference.
Magigirumdumang kan Marso 2024, pigtuga ni Musk na naggagamit siya nin prescribed ketamine para sa saiyang depresyon.
Naenot nang nagkawsa nin kontrobersya si Musk kan 2018 makalihis manigarilyo nin marijuana sa sarong podcast event.
Inilahad pa kan NYT na si Musk an nagdadara suboot nin pillbox na may laog na 20 bulong kabale an Adderall, stimulants, asin psychedelics asin sabay-sabay man suboot niyang piggagamit an mga ini.
