LEGAZPI CITY-Ipiganunsyo ni US President Donald Trump an planong konstruksiyon kan Navy battleships na ipapangaran sa saiya irarom kan “Golden Fleet” plan.
Kinumpirma ini ni Trump sa saiyang Mar-a-Lago residence sa estado kan Florida.
Segun kay Trump, an bagong Trump-class ships an magigin pinakadakulang barkong pang-gera sa historya kan Amerika asin pinakadakulang battleship na itutugdok sa kinaban.
Laoman na popoonan sa lalong madaling panahon an konstruksiyon sa Trump Class USS Defiant ships, na equip kan heavy weapons siring kan nuclear-armed cruise missiles, mas marikas asin 100 beses na mas makusog.
Inisiyal nang pinoonan an duwang bagong battleship asin planong padakulon pa hasta sa magabot sa 25.
Segun sa US President, magigin operational an mga barkong pandigma sa laog kan duwa asin kabangang taon.
Parte an plano kan mas mahiwas pang lakdang ngani palawigon pa kan US Navy an saindang manned asin unmanned vessels kaiba an darakulang barkong pang-gera na armado kan missile asin saradit na barko.
