Inanunsyar ni U.S. President Donald Trump an pagpapalawig kan ceasefire sa Iran makalihis an pakiolay kan Pakistan, mantang pighahalat pa an sarong “unified proposal” hali sa Tehran.
Segun ki Trump na magtetenir an tigil-putukan hasta sa maipasa kan Iran an saindang proposal asin matapos an negosasyon sa anuman na paagi.
Sa tahaw kaini, nagtetenir na warang kasiertuhan an orolay na pangkatoninongan mantang paparani an pagtatapos kan duwang semana na ceasefire.
Nagduduwa-duwa pa kaya an Iran kun mapartisipar ini sa panibagong orolay, asin binanggit an suboot “unacceptable actions” kan Estados Unidos, kaibanan an nagpapadagos na blockade sa Strait of Hormuz.
Kinanselar man suboot ni U.S. Vice President JD Vance an nakatalaan na pagbisita sa Pakistan para sa ika-duwang parte kan negosasyon, mantang an ibang opisyal kan Estados Unidos an nasa konsultasyon kun papano pag-oolayan an peace talks.
Mientras tanto, padagos man an pagmamawot kan mga opisyal kan Pakistan na magkasundo an duwang lado ngani na maibitaran an liwat na paglala kan giyera.
