Nagpatanid si U.S. President Donald Trump na raraoton kan Amerika an mga planta nin kuryente kan Iran kun dai kaini dagos na buksan an Strait of Hormuz sa laog nin 48 oras.
An matinding patanid ni Trump an kasunod kan saiyang dai pa sana nahahaloy na pahayag manungod sa paghupa kan mga iriwal, alagad nag-init liwat an mga tensyon pagkatapos nin serye nin mga pag-atake.
Segun sa report, an Iran naglansar nin duwang long-range ballistic missiles na may distansya na 4,000 kilometros pasiring sa base militar kan US-UK sa Diego Garcia sa Indian Ocean.
Segun kay Israeli military chief Eyal Zamir, ini an pinakaenot na pagkakataon na ginamit kan Iran an arog kaining klase nin missiles, na kayang aboton an mga kabisera sa Europa arog kan Berlin, Paris, asin Rome.
Sa Israel man, tinamaan kan mga missile kan Iran an mga syudad nin Dimona asin Arad, na naka-irido nin dose-dosenang katawo, kaiba an mga kaakian.
Poon kan magpoon an opensiba kan Estados Unidos asin Israel kan Pebrero 28, labing 2,000 katawo an nagadan sa Iran mantang 15 an nairehistro na gadan sa lado kan Israel.
