Inakusaran ni U.S. President Donald Trump ang Iran nin “total violation” sa umiiral na ceasefire makalihis suboot ining magpaputok sa mga barko harani sa Strait of Hormuz.
Liwat na nagpatanid an Presidente kan Estados Unidos na raraoton an importanteng imprastraktura kan Iran kun dae kaini tatanggapin an ofresir na kasunduan kan Washington.
Segun pa ki Trump, nakatalaang mag-abot sa Lunes na banggi an mga representantes kan Estados Unidos nganing ipagpadagos an sa Iran, sa ibong kan nagtitinding tensyon.
Naenot digdi, nagbaba an pankinabang presyo kan langis, asin nagsakat an stock markets makalihis ipahayag kan Iran na bubuksan kaini an Strait of Hormuz na pigkonsideara na agihan kan langis sa kinaban na paramientras na isinarado kan Iran kasunod kan military operations kan US asin Israel kan Pebrero 28.
Siring mn makalihis ipahayag ni Trump na mapadagos an blockade laban sa Iranian shipping, sinabi kan Tehran kan Sabado na magtitinir na sarado an nasabing strait. Ini-report man na dae mabana sa duwang barko an pinaputukan mantang paparani sa lugar.
Sa presente bako pa malinaw kun liwat na mabukas an Strait of Hormuz asin kun magkakaigwa nin pag-usad sa negosasyon kan tigil putukan.
