LEGAZPI CITY-Nakatakdang ideklara ni U.S. President Donald Trump bilang teritoryo kan Amerika an Strait of Hormuz matapos makumpletong madaog an Iran.
Kinumpirma ini ni Trump sa sarong political rally sa sarong police academy sa New York state.
Marurumduman na magkaibang inilansar kan Estados Unidos asin Israel an gera kontra sa Iran kan Pebrero 28 na obhetong wakasan an kontrobersiyal na nuclear program kaini na nagbusol nin mahiwasang kariribukan sa Middle East.
Alagad tulos na nagbalos an Iran sa paagi kan pagtatatag kan de facto control sa Strait of Hormuz, na sarong importanteng agihan kan darakulang bulto nin langis sa bilog na kinaban asin iba pang commodity shipping.
Sa presente, padagos an pigsasagibong blockade kan US sa Iranian ports sa pagtatangkang maparalisa an ekonomiya kan Iran mantang pigpupugulan man kan Tehran an access kan mga sibilyang barko asin US Navy sa Strait of Hormuz.
