Nagkahampang liwat sinda US President Donald Trump asin Chinese President Xi Jinping sa bilateral talks sa South Korea kasoodma Huwebes, Oktubre 30.
Ini an kasunod kan pirang bulan na nagtitinding trade tension sa pagultangan kan duwang nacion.
Sa pambihirang pagkakataon, nagkamayan nin labing sarong minuto an duwang lider kan mga nacion na may pinakadakulang ekonomiya bago an saindang pribadong pag-oolay na nagdurar nin duwang oras.
Inomaw ni Trump an saindang meeting ni Xi bilang sarong dakulang trayumpo.
Mientrastanto, inanunsyar man ni Trump an pagpataw nin mas hibabang taripa sa Chinese imports asin sinabing tatawan kan China an Amerika nin mas magayon pang access sa pig-aapod na “rare earths”, an mga mineral na piggagamit sa paggibo nin electric cars, computer hard drives, TV screens, jet engines, iba pang electronics asin military weapons.
Ipighayag man ni Trump na mapirma an Amerika asin China sa sarong trade deal sa lalong madaling panahon.
Ini man an enot na paghampangan nin personal ninda Trump asin Xi puon kan 2019 kun saen huri sindang naghilingan sa G20 summit sa Osaka, Japan.
