Nakatalaan na mag-olay sinda US President Donald Trump asin Russian President Vladimir Putin ngunyan na semana katakod kan ceasefire sa Ukraine-Russia war.
Ini na an magigin ika-duwang pag-oolay kan duwang lider puon kan magtukaw sa ika-duwang termino si Trump kan Enero.
Marurumduman na enot na nagkaolay sinda Trump asin Putin kun sain nagkasundo an duwa na puunan an high-level talks ngani na matapos na an giyera sa Ukraine.
Nagtutubod si US envoy Steve Witkoff na magigin magayon asin positibo an kakaluwasan kan magigin pag-oolay kan duwang lider.
Marurumduman na enot na man na nag-uyon an Ukraine sa tigil-putukan mantang sinabi ni Putin na susuportaran ninda an nasabing propuesto alagad naglatag ini nin serye nin mga kondisyon antes magtugot sa ceasefire deal.
