Nakahanda na an kampo ninda US Vice President Kamala Harris asin dating US President Donald Trump para sa saindang enot na debate.
Gigibuhon ini nin alas-9 nin aga sa Miyerkules oras sa Pilipinas sa National Constitution Center kan Philadelphia.
Sa piggigibong paghahanda ni Harris an kinaulay niya sinda US President Joe Biden asin dating US First Lady Hillary Clinton na nakahampang na si Trump sa mga debate.
Naghahanda man si Harris sa anumang insulto na pwedesir na ibato sa saiya ni Trump.
Nagtutubod an kampo ni Harris na sa nasabing debate an magkakaigwa na nin desisyon an mga pigbansagang undecided voters.
Sa lado man ni Trump an sinabi kaini na dae na niya kaipuhan pa an anumang pormal na paghahanda huli sa nagkaigwa na ini nin pagmemeeting sa senior advisers, policy experts asin mga kaalyado.
Ipigbarewas man kan campaign spokesperson ni Trump na si Jason Miller an nagkapira sa mga tema na ibabato ninda kay Harris.
Kabale digdi an maling pagkapot niya nin US-Mexico border, Illegal Immigration, pagbawi sa mga suldado kan US na nakadesignar sa Afghanistan asin an pagluya kan ekonomiya.
