LEGAZPI CITY-Nagtetenir an darang kusog kan tropical depression Dante sa nakalihis na magdamlag.
An sentro kan bagyo nasa 880 kilometer sa sirangan kan Extreme Northern Luzon.
Naghihiro ini pasiring sa norte asin kanluran sa rikas na 25 kilometro sa kada oras.
Igwa ining kusog na nasa 55 kilometro kada oras asin pagbugso kan paros na nagaabot sa 70 kilometro kada oras.
Padagos man giraray ining binabantayan kan mga otoridad para sa posibleng epekto sa panahon.
Laoman man na mas mapapakusog pa kaini an hanging habagat huli sa paghatak kan sirkulasyon.
Magkakaigwa man nin paguuran ngonian na aldaw sa dakulang parte kan nacion.
