Hinagad ninda dating Presidente Rodrigo Roa Duterte asin Sen. Bato dela Rosa sa Korte Suprema na pugulan an pagseserbi kan ‘arrest warrant’ hali sa International Criminal Court.
Nagsumiter nin ‘manifestation’ sina Atty. Israelito Torreon sa Korte Suprema para mag-isyu ini nin Temporary Restraining Order.
Kaibanan sa mga hinagad ninda na mapugulan an mga otoridad na maipaotob an ICC warrant, red notice asin surrender request kontra ki Senator dela Rosa.
Hinagad man kan kampo kaini na ipagsugo kan Korte Suprema sa Department of Justice asin DFA na magsumiter nin pahayag ngani na kumpirmaron kun igwang arrest warrant hali sa ICC.
