Aminado si dating Senador Antonio Trillanes IV na padagos pa siyang nakikipagkoordinar sa mga personahes kan International Criminal Court.
Segun saiya, padagos an saiyang pakikipag-olay sainda, partikularmente manungod sa progreso kan kaso na kinakahampang ni dating Presidente Rodrigo Roa Duterte sa The Hague, Netherlands.
Tinawang-duon ni Trillanes na dae siya mapundo sa pakikipag-ulay sa ICC sagkod dai pa nahahatulan si Duterte.
Nagtutubod si Trillanes na magigin pabor sa mga biktima kan war on drugs an hatol kan ICC laban sa dating presidente.
Sa presente, nahahampang si Duterte sa kasong ‘crimes against humanity’ huli sa implementasyon kan war on drugs kan siya pa an presidente kan nasyon.
Nanindugan man siyang warang sala o iligal an saiyang pakikipagtabangan sa mga imbestigador kan ICC.
