LEGAZPI CITY—Wara nang buhay an sarong lalaki kan madukayan ini sa seawall sa Barangay San Roque, Legazpi City, Albay.
Segun ki Legazpi CPS PIO PEMS Carlos Paña, sa intrevista kan Bombo Radyo Legazpi, binisto an biktima na sarong 47-anyos, soltero, tricycle driver, asin residente kan kaparehong lugar.
Basado sa inisyal na imbestigasyon, may mga grupo suboot nin mga kajovenesan an nagsuriyaw huli kan suboot paglukso kan biktima sa seawall.
Dugang kan opisyal na wara man na foul play sa insidente.
Sinabi pa ni PEMS Paña, na posibleng nakainom nin arak asin may hangover an biktima kan nangyari an insidente.
Sa presente, makundusir na nin masusing imbestigasyon an mga otoridad sa nasambitang insidente.
