LEGAZPI CITY-Nakatakda nang poonan kan Sandiganbayan Sixth Division an paglilitis sa ika-3 kan Marso laban kay dating Ako Bicol party-list Rep. Zaldy Co asin iba 15 iba pa katakod kan suboot substandard na flood control project na may pondong P289-milyon sa Naujan, Oriental Mindoro.
Sa kasuguan na ipinaluwas kan Pebrero 10 asin Pebrero 16, sinabi kan korte na tapos na an pagdangog sa petisyon para sa piyansa kan siyam na dating opisyal kan Department of Public Works and Highways (DPWH), makalihis na ipahayag kan prosekusyon na wara ining ihahampang na testimonial evidence.
Tinawan an prosekusyon asin depensa nin tag-duwang aldaw ngani magsumiter kan kanya-kanyang mga dokumento asin komento bago resolbaran an bail petition.
Mientrastanto, sa isinagibong bail hearing, nagpatotoo si Victoriano Acosta kan Commission on Audit (COA) Region 4-B na nagpaluwas an komisyon nin notice of disallowance na P84 milyon hale sa P289-milyong pondo huli sa suboot dai pagsunod sa plano asin specifications kan proyekto.
Sinabi kan depensa na posible pang mag-apela asin bako pa pinal na desisyon, bagay na binisto kan auditor.
Nakatakda an presentasyon kan ebidensya kan prosekusyon sa Marso 3 asin Marso 5, kun susundan ini tuyong Martes asin Huwebes sa oras na alas 8:30 nin pagka-aga.
