LEGAZPI CITY – Klinarificar ngonian kan Condor PISTON Bicol na dae na makikisabay sa isasagibong nation-wide transport strike an transport groups sa Setyembre 30.
Imbes na tigil-pasada, magkakaigwa na sana nin caravan an mga mabaling jeepney drivers asin operators pasiring sa Land Transportation, Franchising and Regulatory Board (LTFRB) Bicol bilang parte kan pakikisumaro sa aktibidad.
Sa ekslusibong intrevista kan Bombo Radyo Legazpi ki CONDOR PISTON Bicol Secretary General Ramon Rescovilla, dae mawawara an paghiro kan mga Bicolano kontra sa anunsyo na hasta Hunyo 30, 2020 na sana an mga prangkisa kan lumang klase kan jeep.
Kakabit pa kaini an apelasyon sa mahal na presyo kan mga produktong petrolyo.
Pinahimutikan man ni Rescovilla an mga espekulasyon na huli sa paghadit sa paghali kan prangkisa siring kan inanuciar kan LTFRB kaya inatras an transport strike.
Tinawang-duon ni Rescovilla na direchos kan lambang-saro an maghayag nin opinyon asin pagkalampag sa gobierno dapit sa darakulang isyu sa sociedad.
Wara pa man suboot sindang nakakaputan na datos dapit sa mga hinalian nin prangkisa huli sa pagbali sa strike.
