LEGAZPI CITY- Nilinaw kan mga drivers sa provincia kan Albay na wara sindang naresibe na pormal na komunikasyon dapit sa duwang aldaw na nationwide transport strike.
Segun ki Basta Driver Safety Enforcer President Ronnel Nebres sa intrevista kan Bombo Radyo Legazpi na warang naging koordinasyon sa sainda an Piston asin Manibela na nangenot sa nasabing tigil-pasada.
Napag-araman na dakol na mga drivers asin operators an dae man nagpartisipar huli ta parte na suboot ini nin mga kooperatiba makalihis an konsulidasyon kan prangkisa.
Aminado man ini na naka apektar man sa pagpasada kan mga drivers an suspensyon kan klase sa provincia kan Albay.
Paliwanag ni Nebres na igwang mga drivers an nagdesisyon na umuli nin amay huli ta diit man sana an mga pasahero asin malulugi sana sa gastos sa krudo.
Nangapudan man an grupo sa gobierno provincial na antes magpaluwas nin anunsyo sa suspensyon nin klase, dapat na aramon muna suboot kun mapartisipar sa tigil-pasada an mga transport group sa provincia kan Albay.
