LEGAZPI CITY – Nakisumaro an mga transport groups sa isinagibong hiro protesta kasabay kan ika-apat na State of the Nation Address (SONA) ni Presidente Ferdinand Marcos Jr.
Segun ki Pagkakaisa ng mga Samahan ng Tsuper at Operator Nationwide (PISTON) President Mody Floranda sa intrevista kan Bombo Radyo Legazpi na nakibale sinda nganing tuyawon an administrasyon huli ta tulong taon na an nakaagi an wara man sindang piggigibong ikakarahay kan mga driver asin operator urog na ngonian na padagos an Jeepney Modernization Program.
Susog man sa saindang pagkakarkulo an uminabot sa 300 sagko 500 na mga drivers asin operator sa National Capitol Region an nakibale asin naki-kalampag sa hampangan kan Department of Transportation.
Pagkatapos suboot kan saindang pagkalampag sa DOTr an nagpasiring sinda sa Tandang Sora nganing makisumaro man sa manlain-laing sektor asin grupo sa isinagibong “People’s SONA”.
Bago pa an mismong SONA kan Presidente an enot nang sinabi kaini na dapat ibasura na an Public Transport Modernization Program (PTMP) huli ta mismong DOTR Secretary na an nagsabi na palpak an naunambitang programa.
Siring man an pagtanggal sa haralangkaw na buwis sa produktong petrolyo huli ta bako sana an saindang sektor an napapagalan tuyong nagkakaigwa nin oil price hike kundi pati man an saindang mga pamilya.
Abo man niya na madangog an pag-omaw kan presidente sa saiyang mga suboot akomplisyemento huli ta dae man ninda namatean an totoong epekto kan mga ini arug na sana kan 20 pesos na kada kilo nin bagas asin an wala tuong flood control project kan gobierno.
Paglinaw niya man na maski nakisumaro an sektor nin transportasyon sa isinagibong mga hiro protesta asin “people’s SONA” an warang nangyaring tigil pasada sa NCR man o sa enterong nacion.
.){kind=link}